Депутаттар эшек чуусуна байланыштуу өкмөттү отставкага кетирүүнү демилгелешти

Бүгүн, 2-мартта парламенттин Агрардык саясат, суу ресурстары, экология жана аймактык өнүгүү комитетинин жыйынында эшек этине байланышкан чуулуу окуя талкууланып жатат. Депутат Эсенгул Исаковдун бул маселенин кесепети оор болгонун айтат. "Кыргыз жеринде эмненин эти экенин аныктоочу лаборатория жок. Малдарды идентификациялоо иштери жүргүзүлбөй жатат. Бул багытта чет өлкөдөн сунушталган 16 миллион евро каражаттан өкмөт баш тартты. Эгер идентификация өткөрүлсө, бардыгы тартипке келмек. Ар бир мал боюнча так маалымат болмок. Эт, сүт азыктары контрабанда болуп, Казакстанга жана Орусияга кетип жатпайбы. Мунун алдын албаган өкмөттү кетириш керек",- дейт депутат.