Бишкек шаарында мэрдин катышуусунда жарыктандыруу, жолдорду оңдоо, коомдук транспорт маселелери талкууланды

Бишкек шаарында мэрдин катышуусунда жарыктандыруу, жолдорду оңдоо, коомдук транспорт маселелери талкууланды. Бул тууралуу бүгүн, 2-мартта шаардык мэриядан билдиришти. 

Маалыматка ылайык, жолугушуу Свердлов районундагы №66-окуу-тарбия комплексинде өтүп, анда аймактык тескөөчүлөрдүн калк менен иш алып баруусу жана шаар тургундарынын курч көйгөйлөрү, ошондой эле жарыктандыруу, жолдорду оңдоо, коомдук транспорт маселелери талкууланды.

Иш-чарага калаа башчысы Кубанычбек Кулматов, Бишкек шаарынын ИИББинин башчысы Кашкар Жунушалиев, Свердлов райондук администрациясынын башчысы Алтынай Өмүрбекова, ИИББдин кызматкерлери, мэриянын түзүмдүк бөлүмдөрүнүн башчылары жана Чыгыш-5 жана Чыгыш-6 кичи райондорунун тургундары катышты.