Бишкекте тоноочулукка шектелип эки жаран кармалды

Бишкек шаарында тоноочулукка шектелген эки жаран кармалды. Бул тууралуу бүгүн, 3-мартта Бишкек ШИИББинен билдиришти. 

Маалыматка ылайык, милицияга Сокулук районунун 22 жаштагы тургуну кайрылган. Анда ал кечээ, 2-март күнү Байтик баатыр-Сүйөркулов көчөлөрүнүн кесилишинен белгисиз эки жаран күч колдонуу менен анын 6 миң сомдук уюлдук телефонун алып кеткенин айткан. Жүргүзүлгөн иликтөө иштеринин алкагында кылмышка шектүү катары 29 жаштагы Т.У. жана 25 жаштагы С.С. аттуу шаардын тургундары кармалышты. Учурда иликтөө иштери жүрүүдө.