Талас активисти: “Бийлик таластыктардын "Жер-Үй" кени боюнча аракеттерин токтотушпаса, жолду тособуз"

“Жер-Үй” иштесе, таластыктар кайрадан тескери кейпибизди кийип калганы жатабыз”,- деп билдирди 4-мартта “Жер-Үй” кенинин иштешине каршы маалымат жыйын өткөргөн активисттердин бири Токтобек Итибаев. Анын айтымында, өкмөт “Жер-Үй” кенин иштетүү боюнча аракетин токтотушу керек. “Таластагы алтындар эч качан казылбайт. Өкмөт абдан туура эмес кылып, таластыктардын кайрадан жинине тийип жатат. Бийлик таластыктар менен ойнобосун, биз жөн отуруп калчу эл эмеспиз. Бийлик 2010-жылы Таласта сабалган чиновниктерди унутуп баратат окшойт. Бул аракеттерин токтотушпаса, Талас жолун тосуп чыгабыз, керек болсо “Жер-Үйдү” өрттөп жиберебиз”,- деди Итибаев.