Мектеп керектөөсүнө ыктыярдуу акча чогултуу боюнча мыйзам долбоору 3-окууда добуш берүүгө жиберилди

Жогорку Кеңештин 4-марттагы жыйынында "Билим берүү жөнүндө” мыйзамга толуктоо киргизүү тууралуу” мыйзам долбоору 3-окууда каралды. Демилгечинин айтымында, мыйзам долбоорунда мамлекеттик же муниципалдык билим берүү уюмдарынын камкорчулук кеңештеринин мыйзамдарга карама-каршы келбеген каржылык жана башка материалдык каражаттарды ыктыярдуу негизде тартууга укуктуулугу белгиленген. Камкорчулук кеңеш билим берүү уюмдарынын жетекчилери менен биргеликте келерки жылда республикалык же жергиликтүү бюджеттин эсебинен жабылбай турган мекеменин керектөөсүн аныктайт. Бул процесске мугалимдер киришпейт, эгерде алар кирише турган болсо алардын жоопкерчилиги карала турганы долбоордо каралган.

Жыйынтыгында мыйзам долбоору 3-окууда добуш берүүгө жиберилди.