Орто Азия боюнча буга чейин ачыла элек унаа жуучу жай Бишкекте пайда болду

Бишкекте темир тулпарларын айдоочулар өздөрү жууй турган унаа жуучу жай ачылды. Азыркы тапта буга окшогон унаа жуучу жай Орто Азия боюнча Бишкекте биринчи жолу ачылды. Бул тууралуу 4-март күнү блоггер Кайрат Бекмамбетов билдирди. Анын айтымында, мындай тазалоонун орточо баасы 150 сом турат.

“Айдоочулар болгону тазалоо убактысына акча төлөшөт. Ал үчүн атайын терминалдан керектүү режимди тандап, акчаны аппаратка салыш керек. Тазалоо 5-7 мүнөт болот. Муну менен айдоочулар убактыларын үнөмдөй алышат. Тазалоо процесси өтө кылдат жасалат, ал унаанын сырына зыянын тийгизбейт”,- деди Бекмамбетов.