Бишкекте 11 жаштагы кыз изделүүдө

Борбордогу Ак-Ордо жаңы конушунда 11 жаштагы Диана Шаршеналиева жоголду. Бул тууралуу бүгүн, 5-мартта Бишкек шаардык ички иштер башкы башкармалыгынан билдиришти. 

Маалыматка ылайык, кечээ, 4-мартта Ленин РИИБине 32 жаштагы айымдан арыз келип түшкөн. Анда ал 3-март күнү саат 20:00 чамасында анын 11 жаштагы кызы үйүнөн чыгып кеткен бойдон дайынсыз болуп жатканын айткан. Учурда ал кызды издөө иштери жүрүүдө. 

Жоголгон кыздын өзгөчө белгилери: бою 130 сантиметр, дене түзүлүшү орто, чачы кара. Кара күрмө, ак кофта, кара шым жана кара өтүк кийип жүргөн. 

Эгер Диана тууралуу маалыматка ээ болсоңор, (0557) 54-00-82, (0555) 45-05-25, (0312) 35-26-05 же 102 номуру аркылуу кайрылсаңар болот.