Ошто мектептерде Алиппе майрамына карата мыйзамсыз акча чогултууга тыюу салынды

Ош шаардык билим берүү башкармалыгына караштуу бардык мектептердеги 1-класстын окуучулары үчүн өткөрүлүүчү Алиппе майрамына карата мыйзамсыз акча чогултууга тыюу салынды. Башкармалыктан кабарлашкандай, бул 2014-жылдын 7-мартындагы №32-б-02 “Билим берүү мекемелеринде мыйзамсыз акча чогултууларга тыюу салуу” буйругунун негизинде ишке ашырылды.

Ошондой эле майрамды кафе, ресторандарда белгилебей, мектептин ичинде гана өткөрүлүүсү милдеттендирилди. 1-класстын окуучуларынын Алиппе майрамы ушул жылдын 16-мартына чейин шаардагы бардык мектептерде өткөрүлмөкчү. Ош шаардык билим берүү башкармалыгына караштуу мектептерде жалпы 27 783 башталгыч класстын окуучулары болсо, анын ичинен 6958и 1-класстта окушат.