Бишкекте Социалдык өнүктүрүү жана ишкердик институтунун ректору пара алып жаткан жеринен кармалды

Бүгүн, 12-февралда УКМКнын Коррупцияга каршы күрөшүү кызматынын өкүлдөрү Бишкек шаарындагы Социалдык өнүктүрүү жана ишкердик институтунун ректору Р.Табышевди пара алып жаткан жеринен кармашты. Бул тууралуу УКМКнын басма сөз кызматы билдирди. Маалым болгондой, ректор өзүнүн студенттеринен сынактык баа үчүн 18 миң сом алмакчы болгон. Бул окуя боюнча "кызмат абалынан кыянаттык менен пайдалануу" жана "пара өндүрүү" беренелери боюнча кылмыш иши козголуп, Ташыбаев убактылуу кармоочу жайга камакка алынды.