Акцияларды сатуу боюнча келишимдин шарттарын аткарбаган ишканаларды мамлекетке кайтаруу каралууда

Мамлекеттик мүлктү башкаруу фонду тарабынан мамлекеттин менчигиндеги имараттарды сатуудагы келишимдердин аткарылышы текшерүүгө алынган. Натыйжада алып-сатуу боюнча келишимдин шарттары аткарылбагандыгы аныкталып, бир катар объектилерди мамлекеттин менчигине өткөрүү чечими кабыл алынды. Бул тууралуу аталган мекеменин басма сөз кызматынан билдиришти.

Маалыматка караганда, фонд "Жалал-Абад стоматология" ачык акционердик коомунун мамлекеттик 95 пайыз акциясын, "Айдан-фарма" ишканасынын 100 пайыздык акциясын, Ысык-Көлдөгү жыгач иштетүүчү ишкананы алып-сатуу боюнча келишимин жокко чыгаруу боюнча сотко кайрылган.