Депутаттар премьер-министрдин иш сапарын токтотуп, парламентке келүүсүн талап кылышууда

"Мыйзамдын тили менен сылык-сыпаа айтса түшүнбөйт окшойсуңар. Бул жерде 4 министрден сырткары жалаң колунан эч нерсе келбегендер, маселе чече албай турган адамдар отурат. Бүгүн өкмөттүк күн өткөргөн туура эмес. Мунун баары стенограммада калат, кийин биз кимден сурайбыз? Премьер-министр иш сапарын жокко чыгарып, Жогорку Кеңешке келсин же бүгүнкү жыйынды башка күнгө которолу",- деди Курманбек Осмонов ЖКнын учурда өтүп жаткан пленардык жыйынында. Соңунда бул талаш добуш берүүгө коюлуп, премьер-министрдин жоктугуна карабай өкмөттүк күн өтмөй болду.