Базар-Коргондо окуучунун өз өмүрүнө кол салуусуна кыздар менен уруша кеткени себеп болгон

Базар-Коргон районунун Карача айылында мектеп окуучусунун өз өмүрүнө кол салуусуна кыздар менен уруша кеткени себеп болгон. Бул тууралуу бүгүн, 11-мартта Карача айылынын тургуну билдирди.

Анын айтымында, окуя 26-февраль күнү саат 23:30 чамасында болгон. Анда 9-класста окуган Жумагүл өз үйүндө асынып алган.

“Жумагүл мектепте жакшы окуган кыздардан болчу. Ал өз өмүрүнө кол салар алдында “Мени өз жеримде дагы батырышпады. Атамдын жанына барам” деп кат жазып кетиптир. Атасы ичкиликке берилип кеткен, өткөн жылы каза болуп калган”,- деди тургун.

Айта кетсек, кечээ, 10-мартта Жалал-Абад облустук ички иштер башкармалыгынын басма сөз кызматы Базар-Коргондогу өз өмүрүнө кол салуу фактысы боюнча маалымат тараткан.