Акыйкатчы: "Бишкектеги жаңы конуштардын абалы начар"

Учурда Бишкектин жаңы конуштарында 250 миңден 600 миңге чейин адам жашайт. Бул тууралуу бүгүн, 12-мартта акыйкатчы Бактыбек Аманбаев билдирди. Анын айтымында, жумушсуздуктун, ички миграциянын өскөнүнө байланыштуу айылдан келген жарандарыбыз борбордун тегерек-четиндеги бош турган жерлерге отурукташып калышкан. 

“Азыр 48 жаңы коңуш бар. Ал жердеги абал өтө кыйын. Алсак, Ак-Жар конушунда 2168 үй бар, аларда 14 миңге жакын адам жашайт. Бул жерде бир да медициналык пункт жок, өзгөчө төрөт алдындагы аялдарга кыйын. Ошондой эле мектеп жок. Ал эми Арча-Бешик, Ак-Ордо жаңы конуштарында өзгөчө таза суу маселеси курч бойдон турат. Биздин жарандар сууну сатып алышат. Буга кошумча Ала-Тоо жаңы конушу сибирь жарасы менен өлгөн малдар көмүлгөн жердин жанында жайгашкан. Аталган конуштарга мектеп, медпункт куруу керек”,- дейт акыйкатчы.