10 миллион сомго жакын каражатка бааланган атайын техникалар Бишкек мэриясынын карамагына өткөрүлдү

Бишкекте 9 миллион 638 миң сомго бааланган атайын техника шаар мэриясынын балансына өткөрүлдү. Бул тууралуу мэриядан кабарлашты.

Маалыматка ылайык, буга чейин Курчап турган чөйрөнү коргоо жана токой чарбасы боюнча мамлекеттик агенттиги тарабынан “Жашылдандыруу” муниципалдык ишканасына атайын техникаларды сатып алуу үчүн тендер өткөрүлгөн.

Атайын техникаларды мэриянын балансына өткөрүп берүү иш-чарасына аталган агенттиктин директору Сабир Атажановдун, биринчи вице-мэр Замирбек Малабековдун жана “Жашылдандыруу” ишканасынын башчысы Анвар Атантаевдин катышуусунда өттү. 

Анда 2 миллион 298 миң сомго бааланган 1 самосвал, 1 миллион 930 800 сомго бааланган 1 жүктөөчү унаа, 3 миллион 310 миң сомго бааланган автовышка жана 2 миллион 100 миң сомго бааланган бактарды отургузууда керекке жарай турган техника берилди.