Түп районундагы жергиликтүү кеңештин жыйынында жазгы талаа иштерине байланыштуу көйгөйлөр каралды

Ысык-Көл облусундагы өкмөттүн ыйгарым укуктуу өкүлү Эмилбек Каптагаев, айылдык кеңештин депутаттары, айыл аймак башчылары жана жетекчилердин катышуусу менен Түп районунда жергиликтүү кеңештин жыйыны өттү. Бул тууралуу 13-мартта облустагы өкмөт өкүлчүлүгүнүн басма сөз кызматы билдирди.

Жыйында Түп районунун акими Ишен Кожалиев 2014-жылга карата "Социалдык-экономикалык өнүгүү программасынын" аткарылышы жөнүндө өтчёт берип жана 2015-жылдагы пландарга токтолду. Ысык-Көл облусундагы өкмөттүн ыйгарым укуктуу өкүлү учурда жазгы талаа иштеринин тийиштүү деңгээлде аткарылышы маанилүү экендигин белгиледи. "Үрөн маселеси былтыркы жылдын кургакчыл болгондугуна байланыштуу курч бойдон турат. Түп району боюнча дан эгиндери 2013-жылга салыштырмалуу 2014-жылы 18 608 тоннага аз жыйналган",- деп айтылат маалыматта.