Бишкекте студенттер улуттук бийлерди бийлеп, эстетикалык рахат тартуулашты

Бүгүн, 13-мартта Бишкектеги Кыргыз-Орус Славян университетинде студенттердин чыгармачылыгын арттырууга багытталган “Жылдызы жанган саат” аталышындагы иш-чара өткөрүлдү. Ага аталган окуу жайдын студенттеринен куралган “Агат”, “Рахат”, “Каухар” бий топтору катышып, чимириле бийлеп өнөрлөрүн көрсөтүштү. Алар көрүүчүлөргө кыргыз, орус, өзбек, тажик, лезгиндердин улуттук бийлерин, ак бий, латын-америкалык, заманбап бийлердин түрүн чеберчилик менен бийлешип, эстетикалык рахат тартуулашты.