Ак-Талаа районундагы мектепти оңдоо иштери боюнча кылмыш иши козголду

Ак-Талаа районундагы мектептин оңдоо иштери үчүн бөлүнгөн акча каражатын ээлеп алуу фактысы боюнча кылмыш иши козголду. Бул тууралуу бүгүн, 16-мартта Башкы прокуратуранын басма сөз кызматы билдирди.

Маалыматка караганда, 2014-жылдын 21-июлунда аталган райондогу М.Баетов атындагы орто мектепти капиталдык оңдоп-түзөөдөн өткөрүү боюнча тендер жарыяланып, аны жеңүүчүсү катары “Б-У” ишканасы жеңүүчү аталган. Мындан улам ал ишканага мамлекет тарабынан 2 миллион 765 миң сом которулган. Ал эми ошол эле жылдын 21-ноябрында оңдоо иштери бүтүп, комиссия тарабынан кабыл алынган. Бирок прокурордун текшерүүсүндө 253 миң сомдук жумуштар аткарылбаганы аныкталган. Учурда бул боюнча кылмыш иши козголуп, тергөө амалдары жүрүп жатат.