Жалал-Абад шаарын көрктөндүрүү боюнча жобону аткаруунун алкагында көчөттөр отургузулду

Жалал-Абад шаарынын мэриясы тарабынан атайын шаар ичин жашылдандыруу, көрктөндүрүү жана тазалык боюнча иштелип чыккан жобонун негизинде калаа ичинде жумуштар аткарылууда. Жалал-Абад шаарынын Жашылдандыруу, көрктөндүрүү чарбасынын кызматкерлери көчөттөрдү отургузуп бүтүштү. Бул тууралуу мэриянын басма сөз кызматынан кабарлашты.

Маалыматка ылайык, жалпы шаар аймагына 600 түп кайрагач, 600 түп арча, 200 түп эмен, 8 түп көк карагайдын көчөтү отургузулду. Роза гүлү үчүн жерлер казылып даярдалды, бүгүнкү күндөн тарта роза гүлүнүн көчөттөрү отургузула баштады. 9100 түп роза отургузулат, ал эми гүл уруктары күнөсканада себилип, апрелге даярдалууда.