Сириядан кайтып келген кыргыз жарандары боюнча 47 кылмыш иши козголгон

Сириядан кайтып келген кыргыз жарандарына карата жалпысынан 47 кылмыш иши козголуп, 50дөн ашык адам убактылуу кармоочу жайга киргизилген. Бул тууралуу бүгүн, 18-мартта Улуттук коопсуздук мамлекеттик комитетинин басма сөз кызматы билдирди.

Маалыматка караганда, 2014-жылдын ноябрь айында Ош облустук соту Сириядагы согушка катышып келген 8 адамга карата өкүм чыгарып, алар 8 жылдан 12 жылга чейин эркинен ажыратылган. Ошондой эле дагы 8 адамдан турган топтун иши сотко өткөрүлгөн.

Айта кетсек, бүгүнкү күндө 200дөн ашык кыргыз жараны Сириядагы согушка катышууда. Алардын арасында жаш балдар, аялдар да бар.