Томск-Ош авиакаттамдары экономикалык абалга байланыштуу май айына чейин убактылуу токтотулду

Томск - Ош авиакаттамдары 5-майга чейин убактылуу токтотулду. Мындай чечимди "Урал авиакаттамдары" авиакомпаниясы экономикалык абалга жана учуучу программаларды ылайыкташтыруу максатында кабыл алды. Бул тууралуу бүгүн, 18-мартта жергиликтүү маалымат булактары жазып чыгышты. 

"17-мартта үчүнчү Томск - Ош авиакаттамы пландалган болчу. Бирок кечээ Ошко багытталган авиакаттам алынды. Биздин авиакомпания 5-майга чейин Кыргызстанга болгон учууларды токтотуп туруу чечимин кабыл алды. Ошко учуу үчүн сатылып алынган билеттердин акчалары кайтарылып берилип же башка чаралар сунушталмакчы",- деди авиакомпаниянын коомчулук менен байланыш бөлүмүнүн жетекчиси Сергей Антонов.