Ысык-Көлдө 4,5 миң бөтөлкөдөн ашык контрафакттык арак тартылып алынды

Ысык-Көл облусунун аймагындагы контрафакттык алкоголдуу продукцияларды сатуу фактыларын аныктоо жана токтотуу боюнча салыктык көзөмөлдөө рейди өткөрүлдү. Бул тууралуу 18-мартта Мамлекеттик салык кызматынан билдиришти.

Рейддин жүрүшүндө "Макколи" ЖЧКсына таандык болгон кампада коштомо кагаздары, эсеп-фактуралары жана ылайык келүү сертификаттары жок алкоголдук продукцияларды сактоо фактысы аныкталды. Бардыгы болуп 4746 бөтөлкө алкоголь алынды.

Материалдар тиешелүү чараларды көрүү үчүн ишкананын катталган орду боюнча салык органына өткөрүлүп берилди.