Ноокатта өзгөчө кырдаалдардын алдын алуу жана кесепеттерин жоюу боюнча түшүндүрүү иштери жүрдү

Ноокат районунда өзгөчө кырдаалдардын алдын алуу жана кесепеттерин жоюу боюнча түшүндүрүү иштери жүрдү. Бул тууралуу бүгүн, 18-мартта Өзгөчө кырдаалдар министрлигинин басма сөз кызматы билдирди.

Маалыматка караганда, март айында Ноокат районунун Жайылма, Додон, Меркит, Беш-Буркан, Арык-Бою, Челекчи айылдарындагы кооптуу аймактарда жашаган калк арасында турмуш-тиричилик коопсуздугунун негиздери жана коопсуз жүрүм-турум эрежелери боюнча сабактар өттү. Окутууга мектеп мугалимдери жана окуучулар, жергиликтүү Жарандык коргоо кызматтары жана айыл аймактын өкүлдөрү катышышты. Ошондой эле иш-чаранын катышуучуларына өзгөчө кырдаалдар учурундагы жүрүм-турум эрежелери боюнча материалдар таратылды.