Нооруз майрамына карата борбордо туруктуу жашоочу жайы жок жарандарды колдоо иш-чарасы өтөт

Нооруз майрамынын астында Бишкек шаарындагы "Коломто" кайрымдуулук үйүндө туруктуу жашоочу жайлары жок адамдарга социалдык жардам көрсөтүлөт. Бул тууралуу Бишкек мэриясынын басма сөз кызматынан билдиришти. 

Маалым болгондой, иш-чара 19-мартта "Коломто" кайрымдуулук үйүндө өткөрүлүп, иш-чаранын алкагында туруктуу жашоочу жайлары жок адамдарга ар түрдүү жардамдар көрсөтүлмөкчү. Алар акысыз медициналык кароодон өтүп, ысык тамак-аш, кийим менен камсыздалышат. Андан соң аталган жарандарга юридикалык жана психологиялык жардам берилет.