Жоомарт Оторбаев Чүй облусун кыдырат

Премьер-министр Жооомарт Оторбаев 20-мартта Чүй облусуна иш сапары менен барат. Өкмөттөн билдиришкендей, премьер Панфилов, Жайыл, Москва жана Сокулук райондорун кыдырып, Чоң Чүй каналынын абалы, жазгы талаа иштерине даярдыктын жүрүшү менен таанышып, бир катар мекемелерде болот. 

Айта кетсек, өкмөт башчынын аймактарга болгон акыркы иш сапары январь айынын аягында болгон. Анда Оторбаев "Торугарт" көзөмөлдөп-өткөрүү пунктунун жана "Торугарт" чек ара тозотунун ишмердүүлүгү менен таанышып чыккан.