Бүгүн парламентке "Кумтөрдү" улутташтыруу мыйзам долбоору боюнча өкмөттүн корутундусу берилет

Жогорку Кеңешке өкмөт бүгүн, 19-мартта "Кумтөрдүн" мүлкүн улутташтыруу боюнча мыйзам долбооруна расмий корутундусун берет. Бул тууралуу өкмөттүн парламенттеги өкүлү Ашырбек Темирбаев билдирди.

Айта кетсек, 26-февралда Жогорку Кеңеш "Кумтөр" боюнча парламенттин буга чейинки токтомдорунун аткарылышы тууралуу өкмөттүн маалыматын угуп, талкуунун жыйынтыгында өкмөткө "Кумтөрдүн" үлүшүн 50х50 пайыздан бөлүү шартында биргелешкен ишкана түзүү боюнча "Центерра" менен сүйлөшүүгө 1 ай мөөнөт берген. Токтомдо "Өкмөт 2015-жылдын 16-мартына чейин "Кумтөрдүн" мүлкүн улутташтыруу боюнча мыйзам долбооруна расмий корутунду берсин жана мыйзамды ишке ашырууга байланыштуу тийиштүү эсептөөлөрдү жүргүзсүн" деген пункт бар болчу.