"Банкроттук жөнүндө" мыйзамдын талаптары такталууда

Жогорку Кеңеште 19-мартта “Банкроттук жөнүндө” КРнын мыйзамына өзгөртүү жана толуктоо киргизүү тууралуу” мыйзам долбоору каралып, үчүнчү окууда добуш берүүгө жөнөтүлдү.

Экономика министрлигине таянсак, банкроттук жол-жобосун жүргүзүү тажрыйбасы администраторлордун ишинин ачыктыгынан суроо жаратууда. Алар белгиленген ченемдерди бузуп, банкроттук жол-жобону жүргүзүүнүн мөөнөттөрүн негизсиз создуктуруп жатышат.

Ошондуктан кредиторлордун кызыкчылыктарын жана укуктарьн коргоо жана администраторлордун ишинин натыйжалуулугун кеңейтүү, тартипти чыңдоо, чыгымдарды кыскартуу жана банкроттук жүрүмдүн ачык-айкындуулугун камсыз кылуу чаралары сунушталууда.