Борбордогу айрым соода объектилеринин ээлери шаарды көрктөндүрүүдөгү эрежелерди бузушууда

Бишкек шаарынын мэриясынын Санитардык-экологиялык инспекциясы кезектеги рейдди өткөрдү. Рейддин алкагында 5-кичи районундагы №33-дарегинин жанында жайгашкан нан бышыруучу тандырдын ээлери санитардык нормаларды сактабай, шаарды көрктөндүрүүдө эреже бузушкандыгы аныкталды. Бул тууралуу бүгүн, 19-мартта шаардык мэриядан билдиришти. 

Маалыматка ылайык, аталган аймак антисанитардык абалга жетип, айланасына таштандылар баш аламан ташталган. Ошондой эле тандырды орнотууда уруксат келишими түзүлгөн эмес. Жыйынтыгында Бишкек шаарынын мэриясынын Санитардык-экологиялык инспекциясы тарабынан Кыргыз Республикасынын Административдик жоопкерчилик жөнүндө кодексинин 488-беренеси боюнча протокол түзүлүп, Октябрь райондук административдик комиссиясынын кароосуна жиберилди.