Ноорузга карата өтүп жаткан көк бөрү боюнча мелдештин финалында “Талас” менен “Сары-Өзөн” командалары ойнойт

Учурда Бишкектеги “Аккула” ат майданында Нооруз майрамына карата көк бөрү боюнча мелдеш өтүп жатат. 12 команда катышкан мелдеште финалчылар аныкталды. Жарым финалдык оюндардын жыйынтыгына карап, финалда “Талас” жана “Сары-Өзөн” командалары кез келмей болду. Бул тууралуу Дене тарбия жана спорт мамлекеттик агенттигинен кабарлашты.

Маалыматка ылайык, финалдык оюн жана 3-орун үчүн болгон оюн 21-мартка туураланган. 3-орунду жарым финалда утулуп калган “Бөрүлү” менен ИИМдин командасы талашат.   

Чейрек финалдык оюндардын жыйынтыгы:  

“Талас” - “Токмок” – 20:3

ИИМ - “Ак-Суу” – 15:3

“Бөрүлү” - “Көк-Жал” – 6:0

“Сары-Өзөн” - “Казарман” – 16:5

Жарым финал:

“Талас”-ИИМ – 4:0

“Сары-Өзөн” - “Бөрүлү” – 12:3

21-мартта орун алчу оюндар:

3-орун үчүн оюн: “Бөрүлү” – ИИМ

Финал: “Талас” – “Сары-Өзөн”