Тунисте террорчулардын чабуулунан 23 адам каза тапты

Тунистеги "Бардо" музейине келген 20 чет элдик турист жана музейдин 3 кызматкери террордук чабуулдун курмандыгы болду. Бул тууралуу бүгүн, 20-мартта чет элдик маалымат каражаттары жазып чыгышты. 

Маалыматка ылайык, каргашалуу окуя 18-мартта болгон. Анда музейди чет элдик туристтер көрүп жүргөн маалда куралчан адамдар кирип, баарын аткылап салышкан. Натыйжада 20 турист, алардын басымдуу бөлүгүн италиялыктар түзүп, 1 орусиялык аял каза таап, бири колунан жаракат алган. 

Кечээ, 19-мартта музейдеги кол салууну “Ислам мамлекети” террорчул тобу кылгандыгын моюнуна алып, ал тууралуу видео жарыялады. Террорчуларды кармоо учурунда экөө жок кылынып, кылмышка шектүү катары 9 адам кармалды. 

Белгилүү болгондой, "Ислам мамлекети" террорчул тобу мындай кол салуулар дагы болорун эскерткен.