Чемпиондор Лигасында чүчү кулак ташталды. Чейрек финалда “Атлетико” менен “Реал” ойнойт

Бүгүн, 20-мартта Швейцариянын Ньон шаарында УЕФАнын Чемпиондор Лигасынын чүчү кулак таштоо аземи болуп өттү. Иш-чарага бир катар футбол ишмерлери, аталган мелдештин чейрек финалына чыккан командалардын өкүлдөрү катышты.

УЕФАнын Чемпиондор Лигасында эң күчтүү делген 8 команданын катарына Англиянын клубдары кирбей калган. Чейрек финалга “Барселона”, “Реал”, “Атлетико” (Испания), ПСЖ, “Монако” (Франция), “Бавария” (Германия), “Ювентус” (Италия) жана “Порту” (Португалия) клубдары чыккан. Жыйынтыгында жуптар төмөнкүдөй тартипте ойномой болушту:

ПСЖ (Франция) - “Барселона” (Испания)

“Атлетико” (Испания) - “Реал” (Испания)

“Порту” (Португалия) - “Бавария” (Германия)

“Ювентус” (Италия) - “Монако” (Франция)