Владимир Путин Орусия, Казакстан жана Беларусту бирдиктүү валютага өткөрүүнү сунуштады

Президент Владимир Путин Орусия, Казакстан жана Беларусту бирдиктүү валютага өткөрүү маселесин карап көрүүнү сунуштады. Муну Орусия лидери 20-мартта аталган өлкөлөрдүн башчылары менен Астанада жолугушуудан кийин билдирди. "Бири-бирибиз менен тыгыз иштешип жаткандыктан, бирдиктүү рынокту коргоо үчүн тышкы каржы-экономикалык коркунучтарга чара көрүү жеңил болот",- деди Путин. 

Белгилей кетсек, быйыл январдын аягында Беларусь президенти Александр Лукашенко Евразиялык экономикалык союздун бирдиктүү валютасы жакында пайда болбой турганын билдирген эле.