Нооруз майрамына карата өткөн көк бөрү боюнча мелдеште “Сары-Өзөн” командасы жеңишке ээ болду

Бишкектеги “Аккула” ат майданында Нооруз майрамына карата көк бөрү боюнча мелдештин финалы жана 3-орун үчүн оюн болуп өттү. Жыйынтыгында ИИМдин командасы “Бөрүлү” командасын утуп, 3-орунду камсыздай алды. Бул оюндун негизги убактысы 0:0 эсебинде аяктагандыктан, 3-орун ээси буллитте аныкталды. Ал эми финалда “Талас” жана “Сары-Өзөн” командалары кез келишти. Акыркы жылдары бардык мелдештерде катары менен жеңүүчү болуп келаткан таластыктар курч мүнөздө өткөн бул беттеште утулуп калышты. Бул тууралуу Улуттук оюндарды өнүктүрүү борборунан кабарлашты.

Оюндардын жыйынтыгы: 

3-орун үчүн оюн: “Бөрүлү” – ИИМ - 0:0 (буллитте 3:1 эсебинде ИИМдин командасы утту)

Финал: “Талас” – “Сары-Өзөн” - 1:2

Кошумчалай кетсек, бул мелдеште 1-орун үчүн 500 миң сом, 2-орунга 300 миң сом, 3-орун ээсине 200 миң сом каралган.