Алмазбек Атамбаевдин Европа өлкөлөрүнө иш сапары башталды (делегация курамы)

Кыргыз мамлекетинин президенти Алмазбек Атамбаевдин Европа өлкөлөрүнө иш сапары башталды. Өлкө башчы 23-24-мартта Австрияда жогорку деңгээлдеги бир катар жолугушууларды өткөрөт. Австрия президенти Хайнц Фишер менен жолугушат. Алмазбек Атамбаев 25-мартта Франциянын президенти Франсуа Олланд менен жолугушуу өткөрөт. 26-мартта мамлекет башчы Швейцариянын президенти Симонетта Соммаруга жана аталган өлкөнүн тышкы иштер министри Дидье Буркхальтер менен жолугушса, 26-27-мартта Бельгияда Европа союзунун өкүлдөрү, мунун ичинде Европа кеңешинин төрагасы Дональд Туск жана башкалар менен жолугушат. 30-мартта президент Бельгиянын падышасы Филипп менен жолугушмакчы. Ал эми 1-апрелде Германиянын президенти Йоахим Гаук жана канцлер Ангела Меркель менен жолугушуу өткөрөт. 

Кыргыз мамлекетинин делегациясынын курамы төмөнкүдөй:

Алмазбек Атамбаев - президент;

Раиса Атамбаева - президенттин жубайы;

Эрлан Абдылдаев - тышкы иштер министри;

Сапар Исаков - КРнын Президентинин аппаратынын тышкы саясат бөлүмүнүн башчысы;

Валерий Диль - вице-премьер-министр;

Эрмек Ибраимов - Кыргыз Республикасынын Австриядагы элчиси;

Гүлнара Искакова - Кыргыз Республикасынын Швейцариядагы элчиси;

Асеин Исаев - Кыргыз Республикасынын Бельгиядагы элчиси;

Болот Отунбаев - Кыргыз Республикасынын Германиядагы элчиси;

Толкунбек Абдыгулов - Улуттук банктын төрагасы.