Жалал-Абадда "Коопсуздук-2015" машыгуусуна даярдыктар көрүлүүдө

25-марттан 27-мартка чейин Жалал-Абад облусунда "Коопсуздук-2015" аталышында командалык-штабдык жана мобилизациялык машыгуу өтөт. Иш-чарага катышуу үчүн бүгүн, 23-мартта Жалал-Абад шаарын көздөй Куралдуу күчтөрдүн Башкы штабынын офицерлеринин ичинен ыкчам топ жөнөп кетти. Бул тууралуу Башкы штабдын Маалыматтык камсыздоо башкармалыгынан билдиришти. Маалыматка караганда, жалпы планга ылайык, машыгуу 2 этапта өтүп, министрликтер, ведомстволор, ыйгарым укуктуу өкүлчүлүк, Жалал-Абад шаарынын мэриясы, мамлекеттик администрация органдары жана жергиликтүү өз алдынча башкаруу органдары тартылат. Өзүнчө резервдик ротанын өздүк курамы үчүн аткыч куралдардан ок атуу күжүрмөн аракеттерин жүргүзүү пландалган. Иш-чарага бардыгы болуп 500дөн ашык адам катышмакчы.

Машыгуунун ачылышы 25-мартта Жалал-Абад шаарынын мэриясынын имаратында болот.