Кыргыз жеринде быйыл 138 чакырым жолго асфальт төшөө пландалууда

Кыргыз жеринде 2015-жылы республикалык бюджеттин эсебинен 138,7 чакырым жолго асфальт төшөө пландалууда. Бул тууралуу бүгүн, 23-мартта Транспорт жана коммуникация министрлигинен билдиришти. Быйыл 2 көпүрө курулуп, 9 көпүрө оңдоодон өткөрүлмөкчү. Нарын облусунун Кочкор районуна иш сапары менен барган транспорт жана коммуникация министри Калыкбек Султанов Кочкор-Коммунизм унаа жолун оңдоо иштери менен таанышты. 

Министр 5-марттан тарта Чүй облусунун Аламүдүн, Чүй, Ысык-Ата, Москва, Жайыл жана Панфилов райондорунда жол чуңкурларын жамоо иштери башталганын билдирди. Чүйдө быйылкы сезондо 22 чакырым жол капиталдык оңдоодон өткөрүлөрү, 17 чакырым жол жамалары айтылды.