Депутат Назарали Арипов "Сүлүктү көмүр" ишканасынын 229 кенчиси ишсиз калганын айтты

ЖКнын бүгүнкү, 14-февралдагы жыйынында депутат Назарали Арипов Баткен облусундагы “Сүлүктү көмүр” ишканасындагы кырдаалды кароо керектигин өкмөттүн ЖКдагы өкүлүнөн суранды. 

Айтымында, ага Сүлүктү шаарынын тургундарынан кайрылуу келген.  “Кайрылууда  “Сүлүктү көмүр” ишканасынын 229 кенчиси жумушсуз калгандыгы айтылат. 2 жылдан бери аталган мекеменин эки жетекчиси бири-бири менен соттошуп, жыйынтыгында бир тарабы утуп чыкканы маалым. Буга карабай КРнын Геология жана минералдык ресурстар боюнча мамлекеттик агенттиги айрым материалдарды жана ишкананы иштетүүгө уруксат бербей жатыптыр. Кенчилердин жумушсуз калганына 10 күндөн ашты. Бул ишкана жергиликтүү калкты иш менен камсыз кылган жалгыз мекеме”,- деди Арипов.