Дастан Бекешев ымыркайларды көчөгө таштап кеткен энелердин жоопкерчилигин күчөтүүнү сунуштады

“Ымыркайларды таштап кеткен энелердин жоопкерчилигин кароону күчөтүү керек”. Бул сөздү бүгүн, 14-февралда ЖКнын жыйынында депутат Дастан Бекешев айтты. Таштанды ымыркайлардын көбөйүп жатканын айткан эл өкүлү муну кыргыз өкмөтү же эл аралык уюмдардын колдоосу менен иликтеп, чечүү керектигин айтты. Депутаттын айтымында, бул көйгөй боюнча чет өлкөлөрдүн тажрыйбаларын эске алуу керектигин айтты. Бекешев айрым өлкөлөрдө ымыркайларды таштап кете турган атайын кутулар болорун, ал жерге баласын таштап кеткен энелер кылмыш жообуна тартылбай тургандыгын айтты.