Кыргыз жериндеги 2005 жана 2010-жылкы революциялар тууралуу көркөм тасма тартуу сунушталды

Бүгүн, 24-мартта Бишкекте "2005-жылдын мартындагы жана 2010-жылдын апрелиндеги Элдик революциялар: себептери жана натыйжалары" аттуу конференция өтүп, жыйынтыгында резолюция кабыл алынды. Бул документте 5 сунуш белгиленди. Алар:

1) 2005-жылдын 24-мартындагы жана 2010-жылдын 7-апрелиндеги ыңкылаптардан демократиялык өнүгүү жолунда сабак алууну улантууну маанилүү деп эсептөө;

2) мектептердеги окуу китептеринде 2005-жылдагы Март жана 2010-жылдагы Апрель окуялары, парламенттик демократия үчүн күрөшүү жөнүндө чагылдыруу;

3) аталган ыңкылаптар тууралуу мамлекеттик жана расмий тилдерден башка чет тилдерге ырааттуу которууну камсыздоо;

4) 2005, 2010-жылдары болгон ыңкылаптар тууралуу көркөм жана даректүү тасмаларды жана башка татыктуу чыгармаларды жаратуу;

5) 2005, 2010-жылдары болгон ыңкылаптар тууралуу жалпыга маалымдоо каражаттары аркылуу элди калыс жана комплекстүү маалыматтар менен камсыздоо.

Айта кетсек, аталган иш-чарага тарыхчылар, саясат таануучулар, социологдор, мамлекеттик жана коомдук ишмерлер катышты.