Дастан Бекешев жеке ишкерлер менен ишканаларды каттоодогу кемчиликтерди айтты

Бүгүн, 14-февралдагы ЖКнын жыйынында депутат Дастан Бекешев жеке ишкерлерди жана ишканаларды каттоодон өткөрүү укугун Юстиция министрлигинен алып, аны Салык кызматына берүүнү сунуштады. 

“Каттоодон өтүү үчүн Юстиция министрлигине барсаң, баары бир Мамлекеттик салык кызматына барууга туура келет. Анткени салык каттоосу жана мекемелердин каттоосу деген түшүнүк бар. Мындай учурда Юстиция министрлиги ашыкча мекеме болуп калууда. Муну өкмөт ойлонуп көрүшү керек",- деди Бекешев.