Кыргыз жерине Орусиянын Энергетика министрлигинин жетекчилиги келди

Кыргыз мамлекетинин өкмөт башчысы Жоомарт Оторбаев бүгүн, 24-мартта Орусиянын Энергетика министрлигинин жетекчилиги: энергетика министринин орун басарлары Анатолий Яновский жана Юрий Сентюрин менен жолугушту. 

Оторбаев кыргыз мамлекетинде ишке ашырылып жаткан энергетикалык долбоорлор өлкө экономикасын өнүктүрүүнүн стратегиялык багыты экенин белгилеп: "Кыргыз Республикасы менен Орусиянын стратегиялык өнөктөштүгүнүн деңгээли бүтүндөй биргелешкен долбоорлордон, мунун ичинде энергетикалык долбоорлордон байкалууда",- деп билдирди. 

Жоомарт Оторбаев "Газпром" компаниясынын инвестор катары кыргыз мамлекетине келиши маанилүү болгонун билдирди. Аталган компания тарабынан өлкөнүн газ жеткирүү системин өнүктүрүү долбоору боюнча иштер эффективдүү жүрүп жатканын айтты.