Сотто жабырлануучу Медер Калканов айыпталуучу депутаттарга дооматы жок экенин айтты

Бүгүн, 14-февралда "ата журтчу" депутаттар боюнча өтүп жаткан сотто жабырлануучу катары көргөзмө берген милиция кызматкери Медер Калканов 3-октябрдагы митингде колуна таш тийгенин айтып, бирок айыпталуучуларга эч кандай дооматы жок экенин билдирди. "Таш менен ким урганын көрдүңбү?" деген депутат Камчыбек Ташиевдин суроосуна жабырлануучу "ким экенин билбейм, байкай алган жокмун" деп жооп берди. Ал эми Ташиев бул ташты чагымчылдар ыргытышы мүмкүн экенин айтты.