Аламүдүн районунда жол кырсыгына күнөөлүү айдоочу унаасын таштап качып кетти

Чүй облустук ИИББинин басма сөз кызматы билдиргендей, 13-февралда саат 21:30да кыргыз-казак чек арасындагы “Ак жол” бажы бекетинен Фольксваген унаасы менен жөө жүрүүчүнү сүзүп кеткен айдоочу из жашырган. Кылмышка шектүү жаран окуя болгон жерге унаасын таштай качкан. Ал эми 21 жаштагы жабырлануучу А. уулу У. аймактык ооруканага жеткирилип, дарылануудан өтүүдө. Окуя боюнча иликтөө иштери уланып жатканын билдирет Чүй ОИИББи.