Бишкектеги Өчпөс оттун тамызгысы салынган кутуча Орусияга алынып кетти

Бүгүн, 27-мартта борбор калаадагы "Жеңиш" аянтында Улуу Ата Мекендик согуштагы жеңиштин 70 жылдыгына карата "Эскерүү эстафетасы” эл аралык акциясы болуп өттү. Акциянын алкагында "Жеңиш" аянтындагы Өчпөс отко гүлчамбар коюлду. 

Ага ЖКнын төрагасы Асылбек Жээнбеков, шаар мэри Кубанычбек Кулматов жана Улуу Ата Мекендик согуштун ардагерлери катышты. 

Акциянын жүрүшүндө "Эскерүү эстафетасынын” бир бөлүгү "Жеңиш" аянтына алынып келип, Өчпөс оттон от тамызылды. Андан соң "Эскерүү эстафетасы” Санкт-Петербург шаарына алынып кетти. 

Иш-чаранын алкагында өкмөттүн өкүлдөрү жана согуштун ардагерлери сөз алып, дүйнө жүзүндө тынчтык болушун каалашарын айтышты.

Айта кетсек, "Эскерүү эстафетасы” эл аралык акциясы 11-март күнү Беларустун борбору Минск шаарында старт алган. Бул акция эми Баку, Кишинёв, Ереван, Дүйшөмбү, Астана жана Москва шаарларында да өткөрүлмөкчү.