Бишкекте мыйзамсыз орнотулган жарнама такталары алынды

Бишкек шаарында мыйзамсыз орнотулган бир катар жарнама такталары алынды. Бул тууралуу бүгүн, 27-мартта мэриянын басма сөз кызматы билдирди. Маалыматка караганда, 25-27-март күндөрү Муниципалдык менчик башкармалыгы, Жарнамалар департаменти жана Бишкек башкы архитектурасы биргеликте Жукеев-Пудовкин – Саманчин, Байтик баатыр – Горький, Киев – Манас жана Юнусалиев көчөлөрүндөгү жарнама такталарын түшүрүшкөн. Буга чейин мыйзамсыз делген такталардын кожоюндарына эскертүү берилген, бирок иш ордунан жылбагандыктан, тиешелүү чаралар көрүлдү. Мындай рейддер улана бермекчи.