Жоомарт Оторбаев Ош шаарындагы эстакадалык көпүрөнүн курулушун көрдү

Премьер-министр Жоомарт Оторбаев бүгүн, 27-мартта Ош шаарындагы эстакадалык көпүрөнүн курулушу менен таанышты. Өкмөттөн билдиришкендей, мындан ары премьер кыргыз-кытай чек арасындагы "Кара-Мык" жана "Эркеч-Там" көзөмөлдөп өткөрүү пункттарынын абалын көргөнү барат. Мындан тышкары "Кыргыз Республикасы-Кытай газ түтүгүнүн курулушу" долбоорунун алкагында курулуш иштери жүрүп жаткан шаарчага барат. Ошондой эле Нура айылынын тургундары менен да жолугушары айтылды.