Экологиялык экспертизаны бир гана республикалык бюджеттен каржылоону парламент комитети жактырды

Бүгүн, 30-мартта парламенттин Агрардык саясат, суу ресурстары, экология жана аймактык өнүгүү комитетинин жыйынында мамлекеттик экологиялык экспертизаны бир гана республикалык бюджеттен каржылоого багытталган мыйзам жактырылды.

"Мамлекеттик көзөмөл жүргүзүүнүн негизги принциптеринин бири - атайын ыйгарым укуктуу мамлекеттик органдардын ишин каржылоо мамлекеттик бюджеттин эсебинен гана ишке ашырылышы. Мамлекеттик экологиялык экспертиза өткөрүү үчүн төлөмдөрдү алуу дагы мамлекеттик экологиялык экспертизанын көз карандысыз болуусу катары бааланат",- деп жазылат аталган долбоордун негиздеме-маалым катында.