Балыкчы шаарында болгон катуу шамал 345 миң сомдон ашуун зыян алып келди

Балыкчы шаарында болгон катуу шамал 345 миң сомдон ашуун зыян алып келди. Бул тууралуу бүгүн, 1-апрелде Өзгөчө кырдаалдар министрлигинин басма сөз кызматы билдирди.

Маалыматка караганда, 30-мартта катталган катуу шамал №10-мектептин 60 даана шиферин, №1-мектептин 5 даана шиферин, №6-мектептин 30 даана шиферин, №4-орто мектептин 25 даана шиферин, №22-лицейдин 16 чарчы метр профнастилин, Жантөшев көчөсүндөгү №42-турак жайдын 15 даана шиферин, Чкалов көчөсүндөгү №193-турак жайдын 50 даана шиферин, Приозёрная көчөсүндөгү №102-үйдүн 15 даана шиферин, “Биосфера” дирекциясынын профнастил менен жабылган 593 чарчы метр чатырын, Аскер комиссариатынын 60 чарчы метр профнастилин жана “Дан” мамлекеттик мекемесинин 42 чарчы метр айнегин шамал учуруп кеткен. Мунун кесепетинен келтирилген чыгым 345 820 сомду түзгөн.