Супер-Инфо
super.kg видео
Таластын тургундары "Жоомарт Оторбаевдин лыжа тебүүгө убактысы бар, кыйналган элге келүүгө убактысы жок" деп нааразы
Табигый кырсыктардан жапа чеккен Талас облусунун тургундары премьер-министр Жоомарт Оторбаевдин облуска келбегенине нааразы. Бул тууралуу бүгүн, 1-апрелде парламент жыйынында депутат Дастан Жумабеков билдирди.
Автор: Нургазы Аматов
"Талас облусунда акыркы айларда эки табигый кырсык болгон. Тургундар Өзгөчө кырдаалдар министрлигине жардам көрсөтүп бергенине ыраазычылык билдиришти. Бирок алар менен жолугушууга келбей, ал-абалы менен таанышпаган премьер-министрге нааразы. Жоомарт Оторбаев өзү келсе же орун басарларын жөнөтсө болмок. Тургундар "премьер-министрдин лыжа тебүүгө убактысы бар, бирок Талас эли менен жолугушууга убактысы жок" дешүүдө",- деди депутат.
Жогорку Кеңештин төрагасы Асылбек Жээнбеков бул маселе премьер-министрге жеткирилерин белгиледи.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
11:48
2025-07-23
10:24
2025-07-21
Рейтинг: 
0
0
Талкуу жабык.