2-апрелде Бишкектин айрым аймактарында таза суу убактылуу берилбейт

Эртең, 2-апрелде Бишкекте суу түтүктөрүн оңдоо иштерине байланыштуу саат 9:00дөн 15:00гө чейинки аралыкта таза суу берүүгө убактылуу чектөө киргизилет. Бул тууралуу “Бишкек суу-канал” башкармалыгынан кабарлашты.

Маалыматка ылайык, Дэн Сяопин, Абаканская, Мурманская, Садыгалиев, Волков жана Кустанайская көчөлөрү менен кесилишкен аймактарда таза суу болбойт. Ошондой эле ичүүчү суу токтой турган аймактарга №97632-аскер бөлүгү, “Нургаз” ишканасы, “Астык” ун комбинаты, дарыгер Бекбоевдин медициналык борбору, “Счастливая страна” бала бакчасы, балдарды коргоо борбору, №37-балдар бакчасы, №42-орто мектеби, "Васипов" жеке мекемесинин кичи нан бышыруучу ишканасы, “Бишкек жылуулук-энергия” коммуналдык мекемеси кирет.

“Бишкек суу-канал” башкармалыгы ыңгайсыздык жараткандыгы үчүн кечирим сурайт жана шаар тургундарын, мекеме-уюмдарды ичүүчү суу камдап алууга чакырат.