Министр: “Дарылануу бекер болбой жатат” деген бейтаптар арыз жаз десең жазгылары келбейт ”

Бүгүн, 2-апрель күнү 2014-жылдын жыйынтыктарын чыгарып маалымат жыйын өткөрүп жаткан Саламаттыкты сактоо министри Талантбек Батыралиевге журналисттер суроо узатышты. Ооруканаларда коррупция өрчүп кеткени, бекер дарылануу медицина кызматкерлеринин орой мамилесине алып келип жатканы сөз болду. Буга министр: “Коррупция фактылары биздин коомчулуктун жалпы маселеси болушу керек. Аны жапа тырмак чечпесек болбойт. Экинчиден, ооруканаларда дарыланууга акча алынып жатканын мага бейтаптар айыккандан кийин келип айтып арызданышкан учурлар болгон. Бирок аларды "ошол дарыгерге карата арыз жазыш керек" десең, ал врачты болобу, медайымды болобу, кайра аяп коюшат. Ошентип өздөрү мыйзамдуу түрдө факты боюнча чара көрүүгө жолтоо болуп жатышат”,- деди.